SI/SR Template

Rheoliadau drafft a osodwyd gerbron Cynulliad Cenedlaethol Cymru o dan baragraff 1(8) o Atodlen 7 i Ddeddf yr Undeb Ewropeaidd (Ymadael) 2018, i’w cymeradwyo drwy benderfyniad gan Gynulliad Cenedlaethol Cymru.

2019 Rhif (Cy. )

YMADAEL Â’R UNDEB EWROPEAIDD, CYMRU

anifeiliaid, cymru

bwyd, cymru

HADAU, CYMRU

IECHYD PLANHIGION, CYMRU

Rheoliadau Materion Gwledig (Diwygiadau Amrywiol) (Cymru) (Ymadael â’r UE) 2019

Gwnaed ***

Yn dod i rym yn unol â rheoliad 1

Mae Gweinidogion Cymru, drwy arfer y pwerau a roddir gan baragraff 1(1) o Atodlen 2 a pharagraff 21 o Atodlen 7 i Ddeddf yr Undeb Ewropeaidd (Ymadael) 2018([1]), yn gwneud y Rheoliadau a ganlyn.

Yn unol â pharagraff 1(8) o Atodlen 7 i’r Ddeddf honno, gosodwyd drafft o’r offeryn hwn gerbron Cynulliad Cenedlaethol Cymru ac fe’i cymeradwywyd drwy benderfyniad gan Gynulliad Cenedlaethol Cymru.

Enwi, cychwyn a chymhwyso

1.—(1) Enw’r Rheoliadau hyn yw Rheoliadau Materion Gwledig (Diwygiadau Amrywiol) (Cymru) (Ymadael â’r UE) 2019.

(2) Daw’r rheoliad hwn a rheoliad 8 i rym yn union cyn y diwrnod ymadael.

(3) Daw gweddill y Rheoliadau hyn i rym ar y diwrnod ymadael.

(4) Mae’r Rheoliadau hyn yn gymwys o ran Cymru.

Diwygio Rheoliadau Adnabod Gwartheg (Cymru) 2007

2. Ym mharagraff 13 o Ran 2 o Atodlen 3 i Reoliadau Adnabod Gwartheg (Cymru) 2007([2]), hepgorer is-baragraff (2).

Diwygio Rheoliadau’r Fasnach mewn Anifeiliaid a Chynhyrchion Perthynol (Cymru) 2011

3.—(1) Mae Rheoliadau’r Fasnach mewn Anifeiliaid a Chynhyrchion Perthynol (Cymru) 2011([3]) wedi eu diwygio fel a ganlyn.

(2) Yn rheoliad 17, yn y geiriau o flaen is-baragraff (a)—

(a) yn lle “yw blwch 30, 31, 33 neu 34 o’r” rhodder “yw’r”; a

(b) yn lle “yn yr Undeb Ewropeaidd” rhodder “yng Nghymru”.

(3) Yn rheoliad 38, yn lle “masnach rhwng” rhodder “mewnforion o”.

Diwygio Rheoliadau Marchnata Hadau (Cymru) 2012

4. Yn rheoliad 30 o Reoliadau Marchnata Hadau (Cymru) 2012([4]), yn lle’r geiriau “Mae’r Ysgrifennydd Gwladol yn gweithredu fel yr Aelod-wladwriaeth at ddibenion” rhodder “Caiff Gweinidogion Cymru ganiatáu dros dro farchnata hadau nad ydynt yn bodloni’r gofynion o ran yr egino lleiaf o dan amodau a bennir yn unol â”.

Diwygio Rheoliadau Iechyd Anifeiliaid (Ffioedd Amrywiol) (Cymru) 2018

5.—(1) Mae Rheoliadau Iechyd Anifeiliaid (Ffioedd Amrywiol) (Cymru) 2018([5]) wedi eu diwygio fel a ganlyn.

(2) Yn rheoliad 2, yn lle’r diffiniad o “trydedd wlad” rhodder—

ystyr “trydedd wlad” (“third country”) yw gwlad ac eithrio Aelod-wladwriaeth heblaw am—

(a) yn rheoliad 4, mae iddo’r ystyr a roddir i “third country” yn Rheoliad (EC) Rhif 2160/2003 ar reoli salmonela a chyfryngau milheintiol penodedig eraill a gludir mewn bwyd; a

(b) yn rheoliad 9 ac Atodlen 6, mae iddo’r ystyr a roddir yn Rheoliadau 2011.

(3) Yn rheoliad 4(1) hepgorer “genedlaethol”, ac yn ei bennawd hepgorer “cenedlaethol”.

(4) Yn y pennawd i Atodlen 1, hepgorer “cenedlaethol”.

Diwygio Rheoliadau Enseffalopathïau Sbyngffurf Trosglwyddadwy (Cymru) 2018

6. Yn rheoliad 5(6)(e) o Reoliadau Enseffalopathïau Sbyngffurf Trosglwyddadwy (Cymru) 2018([6]), yn lle “Gomisiwn yr UE” rhodder “Weinidogion Cymru”.

Diwygio Rheoliadau Anifeiliaid a Chynhyrchion Anifeiliaid (Archwilio am Weddillion a Therfynau Uchaf Gweddillion) (Cymru) 2019

7. Yn rheoliad 2(1) o Reoliadau Anifeiliaid a Chynhyrchion Anifeiliaid (Archwilio am Weddillion a Therfynau Uchaf Gweddillion) (Cymru) 2019([7]), yn y diffiniad o “sylwedd anawdurdodedig” (“unauthorised substance”) yn lle “yn neddfwriaeth yr UE” rhodder “yng nghyfraith yr UE a ddargedwir”.

Diwygio Rheoliadau Iechyd Planhigion (Diwygio) (Cymru) (Ymadael â’r UE) 2019

8.—(1) Mae Rheoliadau Iechyd Planhigion (Diwygio) (Cymru) (Ymadael â’r UE) 2019([8]) wedi eu diwygio fel a ganlyn.

(2) Yn rheoliad 8(a)—

(a) yn is-baragraff (i)—

(i) yn y diffiniad a fewnosodwyd o “awdurdod iechyd planhigion priodol y DU”, ar ôl paragraff (e) mewnosoder—

(f) o ran Beilïaeth Guernsey, Pwyllgor yr Amgylchedd a Seilwaith Taleithiau Guernsey;

(g) o ran Beilïaeth Jersey, Adran yr Amgylchedd Taleithiau Jersey;

(h) o ran Ynys Manaw, Adran yr Amgylchedd, Bwyd ac Amaethyddiaeth Ynys Manaw;;

(ii) ar ôl y diffiniad a fewnosodwyd o “y rhestr o ddeunydd wedi ei heigio gwaharddedig”, mewnosoder—

ystyr “tiriogaeth ddibynnol ar y Goron” (“CD territory”) yw Beilïaeth Guernsey, Beilïaeth Jersey neu Ynys Manaw;;

(b) yn lle is-baragraff (xxviii) rhodder—

(xxviii) yn lle’r diffiniad o “trydedd wlad” rhodder—

ystyr “trydedd wlad” (“third country”) yw unrhyw wlad neu diriogaeth y tu allan i Ynysoedd Prydain;.

(3) Yn lle rheoliad 15 rhodder—

15. Yn erthygl 8—

(a) ym mharagraff (1)—

(i) yn lle “gyflwynir i Gymru ym mhaciau teithiwr neu dramwywr arall” rhodder “ddygir i Gymru ym mhaciau teithiwr neu dramwywr arall sy’n dod o unrhyw drydedd wlad, ac eithrio’r Undeb Ewropeaidd neu’r Swistir, neu i unrhyw ddeunydd esempt a ddygir i Gymru ym mhaciau teithiwr neu dramwywr arall sy’n dod o’r Undeb Ewropeaidd neu’r Swistir”;

(ii) ym mharagraff (a), yn lle “(f)” rhodder “(h)”;

(iii) ar ôl paragraff (b) mewnosoder—

(ba) erthygl 6A(1);;

(iv) ar ôl is-baragraff (d), mewnosoder— “(e) erthygl 12A;”;

(b) ym mharagraff (3)—

(i) yn is-baragraff (a), ar ôl “yw” mewnosoder “unrhyw un neu ragor o’r deunydd perthnasol a ganlyn sy’n tarddu o drydedd wlad, ac eithrio’r Undeb Ewropeaidd neu’r Swistir”;

(ii) ar ôl paragraff (a) mewnosoder—

(aa) ystyr “deunydd esempt” (“exempt material”) yw unrhyw feintiau bach o ddeunydd perthnasol sy’n tarddu o’r Undeb Ewropeaidd neu’r Swistir, ac eithrio planhigion Castanea Mill. a fwriedir ar gyfer eu plannu, planhigion Fraxinus L. a fwriedir ar gyfer eu plannu neu blanhigion, ac eithrio hadau, Platanus L. a fwriedir ar gyfer eu plannu;.

(4) Yn rheoliad 27—

(a) ym mharagraff (a)—

(i) yn nhestun is-baragraff (e) a amnewidiwyd, yn lle “o Brydain Fawr” rhodder “o’r Deyrnas Unedig neu diriogaeth ddibynnol ar y Goron”;

(ii) yn nhestun is-baragraff (f) a amnewidiwyd, ar ôl “Deyrnas Unedig” mewnosoder “neu diriogaeth ddibynnol ar y Goron”;

(b) ym mharagraff (b)—

(i) yn nhestun is-baragraff (1B)(d) a fewnosodwyd, ar ôl “Deyrnas Unedig” mewnosoder “neu diriogaeth ddibynnol ar y Goron”;

(ii) yn nhestun is-baragraff (1B)(e) a fewnosodwyd, ar ôl “Deyrnas Unedig” mewnosoder “neu diriogaeth ddibynnol ar y Goron”;

(5) Yn rheoliad 28—

(a) ym mharagraff (b)—

(i) yn nhestun paragraff (1)(a) a amnewidiwyd, ar y diwedd mewnosoder “neu diriogaeth ddibynnol ar y Goron”;

(ii) yn nhestun paragraff (1)(b) a amnewidiwyd, yn lle’r geiriau “o dan erthygl 12” rhodder “ar ran Gweinidogion Cymru o dan erthygl 12(1) neu gan neu ar ran awdurdod iechyd planhigion priodol arall y DU mewn dull cyfatebol;”;

(iii) ar ôl testun paragraff (1)(b) a amnewidiwyd mewnosoder—

(c) yn achos unrhyw ddeunydd perthnasol hysbysadwy sy’n tarddu o’r Undeb Ewropeaidd neu’r Swistir a ddygwyd i fan cyrraedd yn y Deyrnas Unedig, unrhyw ddeunydd perthnasol a bennir yn y rhestr o ddeunydd a reolir sy’n tarddu o’r Undeb Ewropeaidd neu’r Swistir ac yr hysbyswyd Gweinidogion Cymru amdano yn unol ag erthygl 6(1), neu yr hysbyswyd awdurdod iechyd planhigion priodol y DU amdano yn unol â gofynion cyfatebol o dan y Gorchymyn Iechyd Planhigion perthnasol.;

(iv) yn nhestun paragraff (2)(a) a amnewidiwyd, ar y diwedd mewnosoder “neu diriogaeth ddibynnol ar y Goron”;

(v) yn lle testun paragraff (2)(b) a amnewidiwyd rhodder—

(b) unrhyw ddeunydd perthnasol o ddisgrifiad a bennir yn y rhestr o ddeunydd a reolir mewn ardaloedd sy’n rhydd rhag plâu mewn cysylltiad â’r ardal berthnasol yn y DU sy’n rhydd rhag plâu a ollyngir ar ran Gweinidogion Cymru o dan erthygl 12(1) neu gan neu ar ran awdurdod iechyd planhigion priodol arall y DU mewn dull cyfatebol;

(i) sy’n tarddu o’r Undeb Ewropeaidd neu’r Swistir; a

(ii) yr hysbyswyd Gweinidogion Cymru amdano yn unol ag erthygl 6(1), neu yr hysbyswyd yr awdurdod iechyd planhigion priodol y DU amdano yn unol â gofynion cyfatebol o dan y Gorchymyn Iechyd Planhigion perthnasol.;

(vi) yn nhestun paragraff (3) a amnewidiwyd—

(aa) yn y geiriau cyn is-baragraff (a), ar ôl “diriogaethau eraill y DU” mewnosoder “neu diriogaeth ddibynnol ar y Goron”;

(bb) ar y diwedd mewnosoder—

(e) yn achos deunydd perthnasol y bwriedir iddo fynd i diriogaeth ddibynnol ar y Goron, unrhyw ddeunydd perthnasol o ddisgrifiad a bennir at ddibenion y paragraff hwn yn y ddeddfwriaeth iechyd planhigion sy’n gymwys yn y diriogaeth honno sy’n ddibynnol ar y Goron;

(b) ar y diwedd mewnosoder—

(g) ar ôl paragraff (10) mewnosoder—

(11) Ym mharagraffau (1) a (2), mae i “Gorchymyn Iechyd Planhigion perthnasol” yr un ystyr ag sydd iddo yn Rhan 2 (gweler erthygl 3)..

(6) Yn rheoliad 34, yn lle paragraff (b) rhodder—

(b) ym mharagraff (4) yn lle is-baragraffau (a) a (b) rhodder—

(a) ystyr “gweithredwr proffesiynol” (“professional operator”) yw unrhyw berson sydd, wrth ei waith o fasnachu, rhedeg busnes neu broffesiwn, yn ymwneud â phlannu, bridio, cynhyrchu, mewnforio, marchnata neu ddosbarthu planhigion;

(aa) ystyr “manylion a bennir” (“specified details”), mewn perthynas â lot, yw ei tharddiad, ei thraddodwr, ei thraddodai, ei chyrchfan, ei rhif cyfresol neu wythnosol unigol neu rif swp unigol pasbort planhigion y DU, ei manylion adnabod a’i nifer;

(b) ystyr “planhigion penodedig Xylella”
(“Xylella specified plants”) yw planhigion a bennir ym mharagraff 13 o Ran E o’r rhestr o ddeunydd a reolir sydd wedi eu tyfu am o leiaf ran o’u bywyd mewn, neu wedi eu symud drwy—

(i) ardal a ddarnodir o dan baragraff 5 o Atodlen 15 i’r Rheoliadau Iechyd Planhigion neu, o ran yr Alban, o dan ddarpariaethau cyfatebol yng Ngorchmynion yr Alban; neu

(ii) tiriogaeth ddibynnol ar y Goron lle y cadarnhawyd bod Xylella fastidiosa (Wells et al.) yn bresennol;

(7) Yn rheoliad 42(b)(i), yn lle “y Deyrnas Unedig” rhodder “y Deyrnas Unedig, tiriogaeth ddibynnol ar y Goron,”.

(8) Yn rheoliad 48(a), ar ôl is-baragraff (i) mewnosoder—

(ia) hepgorer paragraffau (v) a (vi) o is-baragraff (a);.

(9) Yn rheoliad 51—

(a) ym mharagraff (d)(viii) yn lle “i’r Deyrnas Unedig” rhodder “i’r Deyrnas Unedig neu diriogaeth ddibynnol ar y Goron”;

(b) ym mharagraff (e), yn lle’r geiriau ym mharagraff (i) rhodder “yn lle “yn rhywle arall yn yr Undeb Ewropeaidd” rhodder “mewn un o diriogaethau eraill y DU neu mewn tiriogaeth ddibynnol ar y Goron””;

(aa) mewn perthynas â deunydd lluosogi planhigion ffrwythau a phlanhigion ffrwythau—

(i) a gynhyrchir yn Lloegr, yn Rhan 2 o Atodlen 2 i Reoliadau Marchnata Planhigion Ffrwythau a Deunyddiau Lluosogi (Lloegr) 2017([9]);

(ii) a gynhyrchir yng Nghymru, yn Rhan 2 o Atodlen 2 i Reoliadau Marchnata Planhigion Ffrwythau a Deunyddiau Lluosogi (Cymru) 2017([10]);

(c) a gynhyrchir yn yr Alban, yn Rhan 2 o Atodlen 5 i Reoliadau Marchnata Planhigion Ffrwythau a Deunyddiau Lluosogi (Yr Alban) 2017([11]);

(iv) a gynhyrchir yng Ngogledd Iwerddon, yn Rhan 2 o Atodlen 2 i Reoliadau Marchnata Planhigion Ffrwythau a Deunyddiau Lluosogi (Gogledd Iwerddon) 2017([12]);.

Lesley Griffiths

Gweinidog yr Amgylchedd, Ynni a Materion Gwledig, un o Weinidogion Cymru

Dyddiad

([2]) O.S. 2007/842 (Cy. 74), y mae diwygiadau iddo nad ydynt yn berthnasol i’r Rheoliadau hyn.

([3]) O.S. 2011/2379 (Cy. 252), y mae diwygiadau iddo nad ydynt yn berthnasol i’r Rheoliadau hyn.

([4]) O.S. 2012/245 (Cy. 39), y mae diwygiadau iddo nad ydynt yn berthnasol i’r Rheoliadau hyn.

([5]) O.S. 2018/650 (Cy. 122).

([6]) O.S. 2018/968 (Cy. 195), y mae diwygiadau iddo nad ydynt yn berthnasol i’r Rheoliadau hyn.

([7]) O.S. 2019/XXX (Cy. XXX).

([8]) O.S. 2019/XXX (Cy. XXX).

([9]) O.S. 2017/595, a ddiwygiwyd gan O.S. 2019/131.

([10]) O.S. 2017/691 (Cy. 163), y mae diwygiadau iddo nad ydynt yn berthnasol i’r Rheoliadau hyn.

([11]) O.S.A. 2017/177, y mae diwygiadau iddo nad ydynt yn berthnasol i’r Rheoliadau hyn.

([12]) Rh.St. 2017 Rhif 119, y mae diwygiadau iddo nad ydynt yn berthnasol i’r Rheoliadau hyn.